This is a Clilstore unit. You can link all words to dictionaries.

نادية دكتورة في عمّان

أنا ناديا .. أنا من مدينة أربد في الأردن. أنا دكتورة .. بشتغل بمستشفى الملك حسين في عمّان. عيلتي ساكنين بـِأربد .. عندهن بيت كبير .. أبي وأمي بيحبو مدينتهن كتير .. وما بدهن ينتألو منها. هون .. أنا ساكني بـِشَأة (شقة) مع رفيئتي رانيا. هيّ كمان دكتورة بنفس المكان. لكن هي مِش أردنية .. هيّ سوريي من مدينة حلب. وهيّ كمان متلي مو مزوجّة. نحنا نفيء الصبح الساعة ستة .. نآخد دوش .. نفطر .. وبعدين نطلع من البيت حوالي الساعة سبعة وربع. مكان شَغلنا ما كتير بعيد. بعض الأيام بنروح مشي .. وأحيانا نآخد تاكسي. لسّه ما عندنا سيارة .. بس الحمد لله التاكسي رخيص .. لأنو فيه عدّاد. دوامي بالمستشفى يبدي كل يوم الساعة تمانيي .. بشتغل للساعة أربعة العصر. ورانيا نفس الشي. طبعا يوم الجمعة بنعطّل. يوم الجمعة بنطلع مع صحابنا .. نروح ع السينما وبعدين ناكل بمطعم .. بس أنا ما بحب أسهر. أنام عادةً أبل الساعة عشرة كَل ليلي .. يعني الساعة عشرة إلا ربع أو إلا تلت .. مرة وحدة كل شهر سافر عل أربد من شان أزور عيلتي .. ورانيا تزور أهلها مرة كل شهرين. الشقة (الشأة) تبعنا زغيري بس حلوي. فيها صالون واسع، وغرفتين نوم، وحمام ومطبخ. وفيه إلها منظر على المديني .. لأن نحنا ساكنين عل الجبل. بكرا الصبح راح نروح ع السفارة الإسبانيي ومعنا بسبوراتنا من شان ناخد تأشيرة سفر لإسبانيا. لما ناخد التأشيرة ح نشتري تزاكر السفر فورا.

Short url:   http://multidict.net/cs/1070