This is a Clilstore unit. You can link all words to dictionaries.

مربية أطفال

سلمان: مبروك، والله يا أختي هل الوظيفة الجديدة. كتير انبسطنا، وفرحنا لِك. سوزان: شكرا يا أخي. كيفو بابا؟ سلمان: منيح. الحمد الله ماشي حالو. سوزان: ما كان مريض من كم يوم! لساتو تعبان؟ سلمان: لا. لا. صار أحسن بعدما أخد دوا وارتاح بالبيت كم يوم. سوزان: الشكر لله. سلمان: أحكي لي يا أختي. شو هل الوظيفة اللي أخدتيها؟ سوزان: أخي. هاي وظيفة في روضة أطفال. سلمان: إي بعرف، بس يعني شو الشغل اللي راح تشتغليه؟ سوزان: أنا راح أكون مربية. أنا ومعي تلات بنات والمدير تبعنا ندير بالنا على شي سبعين طفل .. صبيان وصبايا. سلمان: أي. يعني كيف تديرو بالكم على الولاد؟ سوزان: يعني لمّا يجو الصبح، نطلّعهم برّا، من شان يلعبوا وينبسطوا. بعدين نحكيلهم قصص، ولما تصير الساعة 12 نطلّع الأكل وناكل مع بعض. عادةً بيجيبوا الأكل معهن من البيت، بس بعض المرات نحنا نعمل أكل بالروضا. سلمان: حلو. وأنتي بتحبي هل الشغل؟ سوزان: كتير. ما أنت بتعرف أني بحب الولاد الزغار. سلمان: بعرف. بس لما يكونوا سبعين واحد بيختلف الحال. وشو كمان؟ سوزان: الولاد بيجوا من الساعة سبعة الصبح، بعضن بيروحوا ساعة وحدي، بعضن ساعة تنتين. وفيه بعض الولاد أهاليهن ما بياخدوهن قبل الساعة خمسة.. لأنو بيشتغلوا. سلمان: يا حرام. إي شو هاي؟ الطفل بيبقى بالروضة كل هل وقت؟ سوزان: هيك حياة الناس، أخي. الناس بتروح على شغلها، وما فيه حدا يدير بالو عل الولاد. أحسن مكان ألهن هو الروضا. بيلعبوا، ينبسطوا، وبيتعلموا. ونحنا بنحبهن وندير بالنا عليهن. سلمان: ولو! ما حدا ياخد مكان الأم. سوزان: الحق معك أخي. بس هلا أنا أخدت شغل، وهذا المهم. لأنو المصاري اللي عم آخدها من الدولة كمساعدة دراسي ما بتكفي. سلمان: الله يوفقك يا أختي. سوزان: بشكرك يا أخي. سلّم لي على بابا وعلى ماما. سلمان:. سوزان:

Short url:   http://multidict.net/cs/1076