This is a Clilstore unit. You can link all words to dictionaries.

شو راح يعمل طارق أبل النوم؟

اليوم، أبل ما أنام، يعني مش بكرا ولا بعد بكرا، رح اكتُب مكتوب لعيلتي في سوريّا. بدكم تعرفو شو رح أكتُب في المكتوب؟ ماشي، رح أحكيلكم (أحكيلكن). ح أكتب أنو أنا هلاّ ساكِن في مديني كتير حلوي، إسمها أودنسي. أودنسي هيّ مش أكبر مديني في الدنمارك. فيه مدينتين أكبر منها، كوبنهاجن وأورهوس. رح أكتبتلون كمان أني بشتغل في جامعة جنوب الدنمارك، بدرّس عربي. عندي صف فيه أكتر من عشرين طالب. أنا بحبهم كتير، همي متل ولادي. همي كتير شاطرين، بيدرسو، وبيتعلمو، وصارو بيحكو عربي. مش سهل الواحد يتعلم عربي، بس الشباب هدول، ما شاء الله، بيحبو يتعلمو. أنا أطلب منهم يدرسو كتير، بس كل واحد بيدرس متل ما بدو، يكتُب، يقرا، يشوف تلفزيون وأفلام، وهيك. أكتر الطلاب دنماركيين، بس في كمان تلت أربع عربيات، وفي شاب من أصل أفغاني وبنت من أصل إيراني، وبنتين من أصل صومالي، وكمان وحدي من تركيا. يعني نحنا صف أممي. الكل لازم يدرسو طول الأسبوع من شان يتعلمو أكثر وأكثر. هميّ بيدرسو حوالي خمس ساعات باليوم. هدول الطلاب إلهم مستقبل كتير منيح. بعضهم رح يشتغلو في الروضات اللي فيها ولاد عرب، وغيرهم ممكن يشتغلو في المدارس. أي. هادا اللي رح أكتبو، وطبعاً، ح أحكيلهم عن العطلي، أنو أنا رح أسافر في الصيف عل أحلى بلد في العالم، تركيا.

Short url:   http://multidict.net/cs/1081