This is a Clilstore unit. You can link all words to dictionaries.

'Suantraí Sarah is Asmahane' le Liam Ó Muirthile

‘Suantraí Sarah is Asmahane’ Cailín a fuair bás lena máthair Asmahane i mbuamáil Bhéiriút, Lúnasa 2006 le Liam Ó Muirthile

Ó, cé hí seo atá ina luí

chomh támh

ag doras beag mo chroí,

lena folt donnrua

is éadan na fola

is an dá choisín

ina ruainní feola?

Seó sin seó, hó-ó-ó

Lú lú ló, ú-ó.

 

Ó, cé hí seo atá ina luí

chomh támh

fé smionagar an tí,

gan dídean fé dhíon

dom leanbhaín sámh,

ach seomraín mo chroí

is mo chual cnámh?

Seó sín seó, hó-ó-ó

Lú lú ló, ú-ó.

 

Ó, cé hí seo atá ina luí

chomh támh

is chomh ciúin ó,

ní i gcófra na marbh

a chuirfinn tú a chodladh

ach i gcliabhán óir

is mo lámh á bhogadh.

Seó sín seó, hó-ó-ó

Lú lú ló, ú-ó.

 

Ó sí Sarah atá anseo ina luí

chomh támh

ag doras beag mo chroí,

m’iníon is mo ghreann

mo chailín deas donn,

is óró bog liom í

an cailín deas donn.

Seó sín seó, hó-ó-ó

Lú lú ló, ú-ó.

 

Le caoinchead Liam Uí Mhuirthile agus Cois Life. Céadfhoilsíodh in Sanas (Cois Life, 2007).

Ye, is is em, arís like, nuair a bhímid nuair a bhímid ag féachaint ar ar ar ar eachtraí cogaidh agus mar sin gabhann siad tharainn agus is é an ceann a bheireann ort ná an ceann just gan choinne, mar a déarfá. Ní cuimhin liom fiú amháin cad as é, is dóigh liom go bhfaca grianghraf, ní cuimhin liom fiú amháin, is cuma, ach ceann de na I mean tá tá is breá liom na suantraithe i nGaeilge, is dóigh liom go bhfuil ana-shaibhreas iontu em ana-shaibhreas go deo, agus tá an an chaint seo you know, an chaint mháthartha seo, em is dóigh liom go mb’fhéidir, cloisim féin ar aon nós iarracht de Mháire Bhuí Ní Laoghaire, saghas athmháthair liteartha agam féin, cloisim iarracht de Mháire Bhuí istigh ann. Is dócha nuair a bhíonn tú ag úsáid foirmeacha dúchasacha agus á gcur i leith comhthéacsanna eile ar fad, em, arís tá sé ar nós téarmaíocht ceardaíochta is mar sin, caitheann sé teacht uait féin, ní ní ní níl tú ag iarraidh rud a bhualadh anuas air, níl tú ag iarraidh múnlaí a bhualadh anuas ar rud éigin. So tagann sé tagann sé uaidh féin, ar ndóigh, em. Níl a fhios agam cad ina thaobh gur chorraigh an eachtra sin go mór mé ach do dhein do dhein sé ye agus aríst ceann de na rudaí go gcreidim féin agus creidim níos láidre  anois é, ná gur gá roinnt de na foirmeacha dúchais atá againn dúchasacha atá againn a a aistriú amach as an gcomhthéacs atá againn féin agus má má chuireann tú i leith rud éigin eachtrach iad, más maith leat, lasmuigh, em saibhríonn sé an bunrud féin ach athraíonn sé an comhthéacs chomh maith agus em, you know, tá sé sin fíorthábhachtach, dar liom.

 

Short url:   http://multidict.net/cs/2231