4.1. L-Isfond
M’hemm l-ebda metodoloġija li tirrelata għall-CLIL. Madankollu, skont Pavesi et al (2001) hemm aspetti komuni użati f’pajjiżi differenti, u “CLIL għandu bżonn metodi attivi, koperazzjoni fl-immaniġġjar tal-klassi, u enfażi fuq kull tip ta’ komunikazzjoni (lingwistika, viżwali u kinestetika)”.
- Fi CLIL, huwa importanti li jintużaw għajnuniet awdjoviżivi u multimedjali sabiex jingħelbu problemi ikkawżati bl-użu tal-lingwa l-ġdida.
- Pavesi et al jenfażizzaw l-importanza fl-użu ta’ metodi ta’ tagħlim ħolistiċi kif ukoll it-tagħlim mill-prattika,u esperjenzi fejn jaħdmu b’idejhom.
- Pavesi et al jissuġġerixxu wkoll l-użu tal-lingwa l-ġdida (TL) fl-użu ta’ komunikazzjoni awtentika mingħajr ma wieħed jagħti kas l-iżbalji tal-lingwa.
- It-tagħlim tat-tieni lingwa u l-kontenut fl-istess ħin għandu jinkludi għajnuna bħal riformulazzjoni, simplifikazzjoni u eżempji.
- Code switching (il-bidla għal-lingwa omm tal-istudenti (SLF) minflok il-lingwa l-ġdida) għandha tkun l-aħħar għażla għal raġunijiet ta’ komunikazzjoni.
- L-użu tal-lingwa omm (SLF) mill-għalliema tal-CLIL għandu jkun minimu u għandu jkun evitat minbarra fejn hemm bżonn. Ioannou Georgiou, S u Pavlou, P (2011)
- Madankollu, Butzkamm (1998) jissuġġerixxi li ‘l-istudenti, speċjalment fil-bidu tal-CLIL, jistgħu jitħallew jagħmlu code-switching, jiġifieri jużaw SLF jew TL/AL b’mod alternattiv, jew taħlita tat-tnejn, sabiex iwasslu l-messaġġ tagħhom b’mod aktar effettiv jew biex ikomplu bil-konverżazzjoni tagħhom’. Pereżempju, fl-Istituto Comprensivo Statale “Monte Grappa” (membru fil-proġett tal-UE CLIL4U), sabiex l-istudenti ma jaħdmux fuq qalbhom, jistgħu jużaw it-Taljan, (l-SLF) u mhumiex sfurzati li jitkellmu l-lingwa l-ġdida (TL/AL) fil-klassi quddiem kulħadd biex jevitaw il-mistħija tal-bidu.
- Fejn hu possibbli, problemi fil-kontenut u/jew il-lingwa għandhom ikunu megħluba fl-istadju tal-ippjanar permezz tal-koperazzjoni bejn l-għalliema tal-kontenut u tal-lingwa.
- Il-ħiliet tax-xogħol f’tim huma bżonjużi mill-għalliema tal-CLIL meta jippreparaw il-kurrikulu u anke waqt it-tagħlim.
- Waqt l-ippjanar tal-lezzjonijiet, l-għalliema għandhom iżommu f’moħħhom il-livell tal-lingwa l-ġdidaAL/TLtal-istudenti.
- Pavesi et al jissuġġerixxu li bħala parti mill-metodoloġija tagħhom, studenti fi skola primarja għandhom jingħataw bejn 10-20 minuta ta’ “language showers” kuljum, jew iqattgħu sa 50% tal-lezzjonijiet kollha jużaw l-lingwa l-ġdida TL/AL, fejn jiffukaw fuq il-ħiliet tal-lingwa mitkellma u mismugħa b’mod orali.
- Kemm Pavesi et al (2001) u Ioannou Georgiou, S and Pavlou, P (2011) jgħidu li meta tippjana l-kurrikulu tal-CLIL, huwa importanti li tikkunsidra:
- L-età tat-tfal, il-bżonnijiet, l-interessi u l-kompetenzi lingwistiċi
- Il-kompetenzi tal-għalliema, it-taħriġ u l-esperjenza fi CLIL u kemm hi tajba fit-tieni lingwa
- Is-sapport amministrattiv fl-iskola, riżorsi u materjal
- Riżorsi lokali fil-komunità
- Il-motivazzjoni tal-istudenti u l-interess tal-ġenituri
- Riżultati u għanijiet
Fil-prattika, il-metodu tat-tagħlim CLIL għandu diversi forom, mit-tagħlim tal-kurrikulu sħiħ fil-lingwa l-ġdida (immersjoni totali) għall-addattar tal-korsijiet tal-lingwa biex jiġi inkluż fokus fuq il-kontenut tas-suġġett.
Il-figura hawn taħt turi d-diversità involuta fil-metodu tal-lingwa u l-kontenut
Meħuda minnGuidelinesforCLILImplementationinPrimaryandPre-primaryeducation,pġ16
http://www.schools.ac.cy/klimakio/Themata/Anglika/teaching_material/clil/guidelinesforclilimplementation1.pdf