This is a Clilstore unit. You can link all words to dictionaries.

Bealach Dhroim nDamh i gceantar Charn Tóchair (POOLS3-11)

Niall: Maith go leor, bhal táimid anseo ag Bealach Dhroim nDámh. Drumlamph a thugtar air sa Bhéarla ach is léir gur Droim nDámh atá ann The Ridge of the Ox. Séard atá i gceist leis an tearmann dúlra seo ná áit ina dtig dul isteach agus staidéar a dhéanamh ar dhúlra an cheantair ar phlandaí ar chrainn agus tá a fhios agat ar na speicis áirithe atá sa cheantar seo, is ceantar an-saibhir ar fad atá ann. Ag dul siar b’fhéidir sé chéad, seacht gcéad bliain roimh Phlandáil Uladh, go bunúsach, bhí an chuid is mó nó bhí cuid mhór mhaith de Chúige Uladh faoi chrainn ach de réir a chéile baineadh na crainn sin ar shiúl le longa a thógáil do loingis Shasana agus banaíodh cuid mhór de na coillte, ach sa chuid seo tíre maireann iarsmaí, tá a fhios, na gcoillte sin.  Tá na plandaí féin ann ar ndóigh, rud atá an-tábhachtach ar fad, ach mar a chí muid fosta tá feileacáin áirithe ann mar shampla tá An Barr Buí agus chomh maith leis sin tá An Chopróg Bheag, sin cineál, sin cineálacha feileacáin atá sa cheantar atá le feiceáil go forleathan. Seo togra a rinne muintir an cheantair mar a dúirt mé, ceannaíodh an talamh ar fad ón Woodland Trust agus anois tá muintir an cheantair i gceannas air agus ag iarraidh tograí a thógáil agus daoine a mhealladh anseo agus arís eile, achan rud bainteach leis an Ghaeilge. Tá sonraí le feiceáil go fóill sna daonáirimh 1901 agus 1911, go raibh Gaeilge ag bunús na ndaoine a bhí ina gcónaí thart faoin cheantar, agus tá sé sin ag teacht ar ais agus sin an fáth a bhfuiltear ag iarraidh achan rud a cheangal le chéile.

Short url:   http://multidict.net/cs/3044