This is a Clilstore unit. You can link all words to dictionaries.

Thelma agus Louise ag dul go Gabhla (POOLS3-17)

Fear ceamara: Aicsean!

Louise: Thelma agus Louise ag dul go Gabhla.

Thelma: Tá an aimsir galánta inniu a Louise nach bhfuil?

Louise: Lá deas dúinn a bheith ag dul go Gabhla a Thelma.

Thelma: Sea, cinnte. B’fhéidir go gcuirfimid ceist ar an fhear uasal seo.

Louise: Gabh mo leithscéal a fhir uasail, an bhfuil a fhios agat rud ar bith faoin turas báid go Gabhla?

Feilimí: Ó, tá a fhios cinnte, a cháilíní, tá báidín beag bídeach agam anseo.

Thelma: Ó, ar dóigh ar fad! Ar mhiste leat síob a thabhairt dúinn go Gabhla a fhir uasail?

Feilimí: Níor mhiste ar chor ar bith, nach bhfuil an t-ádh dearg orm inniu?

Louise: Tá muidne réidh le dul, an bhfuil tusa réidh?

Feilimí: Ó rugadh mé réidh a cháilíní.

Thelma: Cá mhéad a bheas ar an turas a mhic?

Feilimí: Ó, tá sé saor in aisce do chúpla spéirbhean cosúil libhse.

Louise: Cad é an deacracht a bhaineann leis sin?

Feilimí: Fadbh ar bith a cháilíní, tá mise sa tóir ar bhean nó beirt bhan fiú, an bhfuil suim ag ceachtar agaibh, nó ag an bheirt agaibh fiú?

Louise: Ar aghaidh linn a Thelma.

Thelma: Cad é an t-ainm atá ort?

Feilimí: Ó, is mise Feilimí.

Thelma: Is ainm galánta atá ann, an bhfuil do bhád sábháilte a Fheilimí?

Feilimí: Tá an ceann sin sábháilte go leor, ach chaill mé bád eile uair amháin, b’fhéidir gur chuala sibh rud éigin faoi dtaobh de.

Louise: Chuala! A haon, a dó, a trí.

Gach duine: Báidín Fheilimí d’imigh go Gabhla, báidín Fheilimí is Feilimí ann, báidín Fheilimí d’imigh go Gabhla, báidín Fheilimí is Feilimí ann.

Short url:   http://multidict.net/cs/3050