This is a Clilstore unit. You can .
“Òran Bròn na Glùine”, òran a rinn mi an-raoir, agus mo bhean-chèile chòir uasal, Seòidín, air inneal ùr fhaighinn.
Ho ró ochón mo rùin-sa
Chan fhaigh mi idir ùine
Bhith cuide riut mar b’ àbhaist
’S tu làn den inneal-ghlùine!
Compiutair beag nach dùin thu
Ach fosgailt fad na h-ùine
Am bogsa-ciùil gun fhonn às
Chan ann ach bogsa-glùine!
Gun d’ fhuair mi pinnt de liùnn dhut
Sa chiste fhuair mar shùgh dhut
Ach drùdhag dad na smùid dheth
Cha ghabh bean-ghlùin’ na glùine!
Ho ró ochón mo rùin-sa
Nach caith thu beagan ùine
Air glùin a’ bhàird ri thaobh-san
’S e làn de chràdh ’s de chaoineadh!
le Niall Gòrdan
Short url: http://multidict.net/cs/5835